O xoves pasado, agochadicho como adoito facer nun andel da nosa biblio, tiven o privilexio de ver e escoitar a Fina Casalderrey.
Vin chegar ás nenas e aos nenos de sexto, ilusionados por coñecer á autora da Historia da bicicleta do home lagarto. Entraron con cadanseu exemplar, despois de ter compartido na aula a súa lectura nas pasadas semanas.
Despois entrou Fina.
Levamos moito tempo recibindo o mellor dos agasallos que ela nos podería facer: os seus libros; pero contar coa súa presenza foi un luxo. Con ela chegou a Fina mestra, a Fina contadora engaiolante, pero tamén a muller inxeniosa, divertida,emotiva...
GRAZAS, Fina, polos teus libros, pola túa amable presenza.
Ningún comentario:
Publicar un comentario